സംസ്ഥാനത്ത് മൂന്ന് പരിചരണ കേന്ദ്രം

ആലപ്പുഴ: സംസ്ഥാനത്ത് മൂന്ന് ശിശുപരിചരണ കേന്ദ്രം കൂടി ഉടൻ ആരംഭിക്കുമെന്ന് സംസ്ഥാന ശിശുക്ഷേമസമിതി ജനറൽ സെക്രട്ടറി അരുൺ ഗോപി പറഞ്ഞു. സംസ്ഥാന ശിശുക്ഷേമ സമിതിയുടെ നിയന്ത്രണത്തിലുള്ള ശിശു പരിചരണ കേന്ദ്രത്തിൽ നവജാത ശിശുക്കൾക്കായുള്ള ശീതീകരിച്ച ബ്ലോക്ക് ഉദ്ഘാടനം ചെയ്യുകയായിരുന്നു അദ്ദേഹം. ഇടുക്കി, കോട്ടയം,വയനാട് ജില്ലകളിലാണ് പുതുതായി കേന്ദ്രം ആരംഭിക്കുന്നതെന്ന് അദ്ദേഹം പറഞ്ഞു. ജില്ലാ ശിശുക്ഷേമ സമിതി വൈസ് പ്രസിഡന്റ് സി.ശ്രീലേഖ അദ്ധ്യക്ഷത വഹിച്ചു. ജില്ലാ ശിശുക്ഷേമ സമിതി സെക്രട്ടറി കെ.ഡി.ഉദയപ്പൻ, ട്രഷറർ കെ.പി.പ്രതാപൻ, ജോ- സെക്രട്ടറി കെ.നാസർ, അംഗങ്ങളായ ടി.എ.നവാസ്,ആർ.ഭാസ്‌കരൻ എന്നിവർ സംസാരിച്ചു