റോഡ് തുറന്നു

അമ്പലപ്പുഴ: പുന്നപ്ര വടക്ക് പഞ്ചായത്ത് പത്താം വാർഡിലെ എൻ.എച്ച്- പഴയ നടക്കാവ് റോഡ് തുറന്നു. 22.18 ലക്ഷം രൂപ ചെലവിലാണ് പൂർത്തിയാക്കിയത്. 358 മീറ്റർ നീളത്തിലും 3 മീറ്റർ വീതിയിലും കോൺക്രീറ്റ് റോഡാണ് നിർമ്മിച്ചത്. എച്ച്.സലാം എം.എൽ.എ ഉദ്ഘാടനം ചെയ്തു. പഞ്ചായത്ത് പ്രസിഡന്റ് അജിത ശശി അദ്ധ്യക്ഷയായി. ജില്ലാ പഞ്ചായത്ത് സ്ഥിരം സമിതി അദ്ധ്യക്ഷൻ അഡ്വ. ആർ.രാഹുൽ, ബ്ലോക്ക് പഞ്ചായത്ത് സ്ഥിരം സമിതി അദ്ധ്യക്ഷൻ വിഷ്ണുപ്രസാദ്, അസി. എൻജിനിയർ ടി.അശ്വിനി,​ പഞ്ചായത്ത് വൈസ് പ്രസിഡന്റ് പി. ആർ.രതീഷ് കുമാർ എന്നിവർ സംസാരിച്ചു.