മാവേലിക്കര : കുട്ടനാട്ടിലെ ജനങ്ങളുടെ ദുരിതപൂർണമായ ജീവിത സാഹചര്യത്തെക്കുറിച്ച് സംസ്ഥാന നിയമസഭം ഒരു ദിവസത്തെ മറ്റ് അജണ്ടകൾ മാറ്റിവച്ചു പ്രത്യേകം ചർച്ച ചെയ്യണമെന്ന് കൊടിക്കുന്നിൽ സുരേഷ് എം.പി മുഖ്യമന്ത്രിയോട് ആവശ്യപ്പെട്ടു. ചുഴലിക്കാറ്റും കനത്ത മഴയും മൂലം ദുരിതമനുഭവിക്കുന്ന കുട്ടനാട്, ചെങ്ങന്നൂർ, മാവേലിക്കര താലൂക്കിലെ ജനങ്ങളുടെ ദയനീയാവസ്ഥക്ക് മുന്നിൽ സർക്കാർ കണ്ണടയ്ക്കരുത്. കുട്ടനാടിന്റെ രക്ഷക്കായി ക്രിയാത്മകവും സമയബന്ധിതവുമായ പദ്ധതികൾ ആരംഭിക്കണമെന്നും കൊടി​ക്കുന്നി​ൽ ആവശ്യപ്പെട്ടു.