ആലപ്പുഴ: രക്തത്തിലെ ഗ്ലൂക്കോസിന്റെ അളവ് കണ്ടെത്താനുള്ള ഗ്ലൂക്കോമീറ്റർ ജില്ലയിലെ ബി.പി.എൽ. വിഭാഗത്തിൽപ്പെട്ട പ്രമേഹരോഗികളായ 100 വയോജനങ്ങൾക്ക് സൗജന്യമായി വിതരണം ചെയ്യും. സുനീതി പോർട്ടൽ (suneethi.sjd.kerala.gov.in) വഴി ഓൺലൈനായി അപേക്ഷ നൽകണം. പ്രായം തെളിയിക്കുന്ന രേഖ, പ്രമേഹരോഗിയാണെന്ന് ഗവൺമെന്റ്/എൻ.ആർ.എച്ച്.എം. ഡോക്ടർ നൽകിയ മെഡിക്കൽ സർട്ടിഫിക്കറ്റ്, സ്വയം സാക്ഷ്യപ്പെടുത്തിയ ബി.പി.എൽ. റേഷൻ കാർഡിന്റെ പകർപ്പ് എന്നിവ അപേക്ഷയോടൊപ്പം നൽകണം. സാമൂഹ്യനീതി വകുപ്പിൽ നിന്നും ഗ്ലൂക്കോമീറ്റർ ലഭിച്ചവർ അപേക്ഷിക്കേണ്ടതില്ല.
അപേക്ഷാ ഫോറം ജില്ലാ സാമൂഹ്യനീതി ഓഫീസിലും, www.sjd.kerala എന്ന വെബ്സൈറ്റിലും ലഭിക്കും. ഫോൺ: 0477 2253870. അപേക്ഷ സമർപ്പിക്കേണ്ട അവസാന തീയതി സെപ്തംബർ 30.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |