ഹരിപ്പാട് : സമഗ്ര ശിക്ഷാ ഹരിപ്പാട് ബി.ആർ.സി യുടെ നേതൃത്വത്തിൽ ഭിന്നശേഷി കുട്ടികൾക്കായുള്ള ഓണാഘോഷ പരിപാടി ചങ്ങാതിക്കൂട്ടം സംഘടിപ്പിച്ചു . അത്തച്ചമയ വിളംബര ഘോഷയാത്ര നഗരസഭ സ്റ്റാൻഡിംഗ് കമ്മിറ്റി ചെയർമാൻ എസ്.കൃഷ്ണകുമാർ ഫ്ലാഗ് ഒഫ് ചെയ്തു. സമ്മേളനം സംവിധായകൻ വി.പ്രസാദ് ഉദ്ഘാടനം ചെയ്തു. ജില്ലാ പഞ്ചായത്ത് സ്റ്റാൻഡിംഗ് കമ്മിറ്റി ചെയർമാൻ അഡ്വ.ടി.എസ്.താഹ അദ്ധ്യക്ഷത വഹിച്ചു. ജൂലി എസ്.ബിനു സ്വാഗതം പറഞ്ഞു . ഓണക്കോടി വിതരണം ജില്ലാ പഞ്ചായത്തംഗം ജോൺ തോമസ് നിർവഹിച്ചു. അനസ് എ.നസിം, ബിന്ദു രാജേന്ദ്രൻ, കെ.ഗീത, ഡി.എം.രജനീഷ്, രത്നൻ സാർ ഫൗണ്ടേഷൻ ചെയർമാൻ ഹരീഷ് ബാബു തുടങ്ങിയവർ സംസാരിച്ചു.