സ്ത്രീ, ട്രാൻസ്‌ ജെൻഡർ സമിതി സിറ്റിംഗ് 27ന്

കൊച്ചി: സ്ത്രീകളുടെയും ട്രാൻസ്‌ജെൻഡറുകളുടെയും കുട്ടികളുടെയും ഭിന്നശേഷിക്കാരുടെയും ക്ഷേമം സംബന്ധിച്ച സമിതി 27ന് രാവിലെ 10.30ന് എറണാകുളം കളക്ടറേറ്റ് കോൺഫറൻസ് ഹാളിൽ യോഗം ചേരും. പരാതികളിൽ തെളിവുകൾ ശേഖരിക്കും. പൊതുജനങ്ങൾക്കും സന്നദ്ധസംഘടനകൾക്കും പരാതികൾ നൽകാം. യോഗത്തിന് ശേഷം കാക്കനാട്ടെ ചിൽഡ്രൻസ് ഹോം, ജുവനൈൽ ജസ്റ്റിസ് ഒബ്‌സർവേഷൻ ഹോം, ചൈൽഡ് വെൽഫെയർ കമ്മിറ്റി, സഖി വൺ സ്റ്റോപ്പ് സെന്റർ, ഷോർട്ട് സ്റ്റേ ഹോം ഫോർ ട്രാൻസ്‌ജെൻഡേഴ്‌സ് (ജ്യോതിഷ് ഭവൻ), എന്റെ കൂട്, തേവരയിലെ സ്ത്രീകൾക്കായുള്ള വികലാംഗ സദനം, ചമ്പക്കരയിലെ മഹിളാമന്ദിരം എന്നീ സ്ഥാപനങ്ങൾ സന്ദർശിച്ച് പ്രവർത്തനങ്ങൾ വിലയിരുത്തും.