ജില്ലാ കളക്ടർക്ക് അനുമോദനം

കൊച്ചി: സംസ്ഥാനത്തെ മികച്ച ജില്ലാ കളക്ടാറായി തിരഞ്ഞെടുക്കപ്പെട്ട എറണാകുളം ജില്ലാ കളക്ടർ എൻ.എസ്.കെ ഉമേഷിനെ കെ.പി.എസ്.ടി.എ എറണാകുളം ജില്ലാ കമ്മിറ്റി ആദരിച്ചു. ജനക്ഷേമ പദ്ധതികൾ ആസൂത്രണം ചെയ്തു നടപ്പിലാക്കി സാധാരണക്കാരിലേക്ക് ആശ്വാസ നടപടികൾ എത്തിക്കുന്നതിൽ കളക്ടർ വഹിക്കുന്ന പങ്ക് നിസ്തുലമാണെന്ന് കെ.പി.എസ്.ടി എ ജില്ലാ കമ്മറ്റി ഭാരവാഹികൾ പറഞ്ഞു. സംസ്ഥാന വൈസ് പ്രസിഡന്റ് ടി.യു. സാദത്ത്, സംസ്ഥാന എക്‌സിക്യുട്ടീവ് അംഗം അജിമോൻ പൗലോസ്, റവന്യൂ ജില്ലാ പ്രസിഡന്റ് തോമസ് പീറ്റർ, സെക്രട്ടറി ബിജു കുര്യൻ എന്നിവർ കളക്ടറുടെ ചേംബറിൽ എത്തിയാണ് അനുമോദനം അറിയിച്ചത്.