സാംസ്‌ക്കാരികനിലയം ഉദ്ഘാടനം

പിലാത്തറ:കടന്നപ്പള്ളി പാണപ്പുഴ പഞ്ചായത്ത് പെരുവളങ്ങ സാംസ്‌ക്കാരിക നിലയത്തിന്റെയും തുമ്പോട്ട പാടി പെരുവളങ്ങ റോഡ് നവീകരണ പ്രവൃത്തിയുടെയും ഉദ്ഘാടനം എം.വിജിൻ എം.എൽ.എ നിർവഹിച്ചു. പെരുവളങ്ങയിൽ നടന്ന ചടങ്ങിൽ ഗ്രാമ പഞ്ചായത്ത് പ്രസിഡന്റ് ടി.സുലജ അദ്ധ്യക്ഷത വഹിച്ചു.റോഡ് നവീകരണത്തിന് ആസ്തി വികസന ഫണ്ടിൽ നിന്നും 10 ലക്ഷം രുപയും പെരുവളങ്ങ സാംസ്‌ക്കാരിക നിലയം നിർമ്മിക്കുന്നതിന് 10 ലക്ഷം രൂപയും ഉൾപ്പെടെ 20 ലക്ഷം രൂപയാണ് അനുവദിച്ചത്. ബ്ലോക്ക് പഞ്ചായത്ത് അസിസ്റ്റന്റ് എൻജിനീയർ എം.കെ.രാജേഷ് പദ്ധതി വിശദീകരിച്ചു. ഗാമപഞ്ചായത്ത് അംഗം വി.എ.കോമളവല്ലി, പി.പി.ദാമോദരൻ, മല്ലപ്പള്ളി നാരായണൻ, പി.ലിബിൻ എന്നിവർ പ്രസംഗിച്ചു.

.