സ്വാമി ആനന്ദതീർത്ഥൻ സമാധി ദിനാചരണം

പയ്യന്നൂർ: ശ്രീനാരായണ ഗുരുദേവ ശിഷ്യനും സ്വാതന്ത്ര്യസമര സേനാനിയും അധ:സ്ഥിതരുടെ ഉന്നതിക്കായി ജീവിതാവസാനം വരെ പോരാട്ടം നയിക്കുകയും ചെയ്ത സ്വാമി ആനന്ദതീർത്ഥന്റെ 36-മത് സമാധി വാർഷികാചരണം

ഇന്ന് ശ്രീ നാരായണ വിദ്യാലയത്തിൽ നടക്കും.രാവിലെ സമാധി മണ്ഡപത്തിൽ പുഷ്പാർച്ചനയും വിശേഷാൽ പൂജക്കും ശേഷം പത്തരക്ക് നടക്കുന്ന അനുസ്മരണ സമ്മേളനം സതീഷ് ധവാൻ സ്പേസ് സെന്റർ മുൻ ഡയറക്ടർ പി. കുഞ്ഞികൃഷ്ണൻ ഉദ്ഘാടനം ചെയ്യും. സ്വാമി ആനന്ദതീർഥ ട്രസ്റ്റ് പ്രസിഡന്റ് ടി.വി.വസുമിത്രൻ എൻജിനീയർ അദ്ധ്യക്ഷത വഹിക്കും. സാഹിത്യകാരൻ സുനിൽ പി.ഇളയിടം, തലശ്ശേരി ഗവ.ബ്രണ്ണൻ കോളേജ് മുൻ പ്രിൻസിപ്പൽ ഡോ.എ.വത്സലൻ പ്രസംഗിക്കും. ട്രസ്റ്റ് സെക്രട്ടറി കെ.പി.ദാമോദരൻ സ്വാഗതവും ട്രഷറർ കെ.കൃഷ്ണൻ നന്ദിയും പറയും. പ്രീതി ഭോജനവും ഉണ്ടാകും.