വേക്കളം എ.യു.പി സ്കൂൾ പ്ലാറ്റിനം ജൂബിലി

പേരാവൂർ: വേക്കളം എ. യു.പി.സ്കൂളിന്റെ 75-ാം വാർഷികാഘോഷവും പുതിയ സ്കൂൾ കെട്ടിടത്തിന്റെ ഉദ്ഘാടനവും 14, 15 തീയതികളിൽ നടക്കും.വാർഷികാഘോഷം ഉദ്ഘാടനം ജില്ലാ പഞ്ചായത്ത് വൈസ് പ്രസിഡന്റ് ബിനോയ് കുര്യനും സ്കൂൾ കെട്ടിടോദ്ഘാടനം കെ.കെ.ശൈലജ എം.എൽ.എയും നിർവഹിക്കും. സമാപന സമ്മേളനം സണ്ണി ജോസഫ് എം.എൽ.എ ഉദ്ഘാടനം ചെയ്യും. വിദ്യാമന്ദിർ ഇംഗ്ലീഷ് മീഡിയം സ്കൂൾ വാർഷികവും യാത്രയയപ്പ് സമ്മേളനവും ഇതോടൊപ്പം നടക്കും.സ്കൂൾ വിദ്യാർത്ഥികളുടെ കലാപരിപാടികൾ, ഉന്നത വിജയികൾക്കുള്ള അനുമോദനം, പൂർവ വിദ്യാർത്ഥികളുടെയും അദ്ധ്യാപകരുടെയും കലാപരിപാടികൾ എന്നിവയും ഉണ്ടാകും. വാർത്താ സമ്മേളനത്തിൽ പ്രധാനാദ്ധ്യാപകൻ കെ.പി.രാജീവൻ,പി.ടി.എ പ്രസിഡന്റ്
വി.ഡി.ബിന്റോ, സ്റ്റാഫ് സെക്രട്ടറി എ.ഇ.ശ്രീജിത്ത്,മദർ പി.ടി.എ പ്രസിഡന്റ് ഷൈനി വിനോദ് എന്നിവർ സംബന്ധിച്ചു.