കാസർകോട്: സ്വർണ്ണാഭരണങ്ങൾക്ക് ബി.ഐ.എസ്. ഹാൾ മാർക്കിംഗിനൊപ്പം ഹാൾ മാർക്കിംഗ് യൂണിക് ഐഡന്റിഫിക്കേഷൻ (എച്ച്.യു.ഐ.ഡി) സംവിധാനവും നടപ്പിലാക്കുന്നതിനെതിരെ ഓൾ കേരള ഗോൾഡ് ആൻഡ് സിൽവർ മർച്ചന്റ് അസോസിയേഷൻ കരിദിനം ആചരിച്ചു. കൂടിയാലോചനയിലൂടെ കുറ്റമറ്റ രീതിയിൽ എച്ച്.യു.ഐ.ഡി. സംവിധാനം നടപ്പിലാക്കാൻ സാവകാശം ആവശ്യപ്പെട്ടിട്ടും ബന്ധപ്പെട്ടവർ തയാറാകാത്തതിൽ പ്രതിഷേധിച്ചാണ് സമരം.

ദേശീയ തലത്തിൽ കടകൾ അടച്ചിട്ടു കൊണ്ടായിരുന്നു സമരമെങ്കിലും കേരളത്തിൽ ഓണക്കാലമായതിനാൽ കടകൾ തുറന്നു
കൊണ്ട് കരിദിനം ആചരിക്കുകയായിരുന്നുവെന്ന് ഓൾ കേരള ഗോൾഡ് മർച്ചന്റ് അസോസിയേഷൻ കാസർഗോഡ് ജില്ലാ പ്രസിഡന്റ് കെ.എ. അബ്ദുൾ കരീം, ജനറൽ സെക്രട്ടറി കോടോത്ത് അശോകൻ നായർ, ട്രഷറർ ബി.എം. അബ്ദുൾ കബീർ, വർക്കിംഗ് പ്രസിഡന്റ റോയി ജോസഫ് എന്നിവർ അറിയിച്ചു.