കരുനാഗപ്പള്ളി : പ്രായപൂർത്തിയാകാത്ത പെൺകുട്ടിയെ പീഡിപ്പിച്ച കേസിൽ പ്രതിക്ക് ആറുവർഷം തടവും ഒന്നരലക്ഷം രൂപ പിഴയും വിധിച്ചു. ആലപ്പാട്, ശ്രായിക്കാട്, ഇടമണ്ണേൽ, ദുർഗാദാസിനെ(37) ആണ് ശിക്ഷിച്ചത്. കരുനാഗപ്പള്ളി സ്പെഷ്യൽ ഫാസ്റ്റ് ട്രാക്ക് കോടതി ജഡ്ജി വി.ഉദയകുമാർ ആണ് വിധി പറഞ്ഞത്. പോക്സോ നിയമപ്രകാരം 4 വർഷവും ക്രിമിനൽ നിയമപ്രകാരം 2 വർഷവുമാണ് ശിക്ഷ. 2019 ൽ കരുനാഗപ്പള്ളി പൊലീസ് ഇൻസ്പെക്ടറായിരുന്ന ജോൺസ് രാജ് രജിസ്റ്റർ ചെയ്ത കേസിലാണ് വിധി . പ്രോസിക്യൂഷന് വേണ്ടി സ്പെഷ്യൽ പ്രോസിക്യൂട്ടർ അഡ്വ.എൻ.സി.പ്രേംചന്ദ്രൻ ഹാജരായി.