അഞ്ചൽ: അ‌ഞ്ചൽ സെന്റ് ജോർജ്ജ് സെൻട്രൽ സ്കൂളിന്റെ 32-ാം വാർഷികാഘോഷങ്ങൾ ചലച്ചിത്ര നിർമ്മാതാവും നടനുമായ ദിനേശ് പണിക്കർ ഉദ്ഘാടനം ചെയ്തു. കവി അനീഷ് കെ. അയിലറ അദ്ധ്യക്ഷനായി. പ്രൻസിപ്പൽ ലീനാ അലക്സ് റിപ്പോർട്ട് അവതരിപ്പിച്ചു. സ്കൂൾ ചെയർമാൻ അലക്സാണ്ടർ മുതലാളി, വൈസ് പ്രിൻസിപ്പൽ സുജാ ജംനാദാസ്, കെ.വി.സിജു , അലൻ അലക്സാണ്ടർ, ആൽബിൻ അലക്സാണ്ടർ, മേഘ മറിയം ജോർജ്ജ്,സുഹാന എ.ഹാരിസ്, ജീവി ദിനേശ്, എന്നിവർ പ്രസംഗിച്ചു. ആഘോഷങ്ങളോടനുബന്ധിച്ച് ആകാശ ദീപകാഴ്ചയും വിദ്യാർത്ഥികളുടെ കലാപ്രകടനങ്ങളും നടന്നു.