അധിവർഷ ആനുകൂല്യം

കോട്ടയം: 60 വയസ് പൂർത്തീകരിച്ച് 2014 മുതൽ 2017 വരെ അധിവർഷാനുകൂല്യത്തിന് കർഷകത്തൊഴിലാളി ക്ഷേമനിധി ബോർഡ് കോട്ടയം ജില്ലാ എക്‌സിക്യൂട്ടീവ് ഓഫീസിൽ അപേക്ഷ സമർപ്പിച്ചവർ രേഖകൾ നൽകണം. അപേക്ഷയ്‌ക്കൊപ്പം ആധാർകാർഡ്, ബാങ്ക് പാസ്ബുക്ക് എന്നിവയുടെ പകർപ്പ്, അപേക്ഷ സമർപ്പിച്ചപ്പോൾ ലഭിച്ച കൈപ്പറ്റ് രസീത് എന്നിവ മേയ് മൂന്നിനകം ഓഫീസിൽ നൽകണം. പേരിലോ മേൽവിലാസത്തിലോ വ്യത്യാസമുള്ളവർ പഞ്ചായത്ത് വാർഡ് അംഗത്തിന്റെ സാക്ഷ്യപത്രം ഹാജരാക്കണം. മരണമടഞ്ഞ അംഗങ്ങളുടെ അവകാശികൾ മരണസർട്ടിഫിക്കറ്റ്, ബന്ധം തെളിയിക്കുന്നതിന് റേഷൻ കാർഡ്/ സ്‌കൂൾ സർട്ടിഫിക്കറ്റ് എന്നിവയുടെ പകർപ്പ് എന്നിവ നൽകണം. ഫോൺ: 0481 2585604.