തീരദേശ പരിപാലന വിജ്ഞാപനം : ഹിയറിംഗ്

കോട്ടയം : തീരദേശ സംരക്ഷണത്തിനുള്ള തീരദേശ പരിപാലന വിജ്ഞാപനം നടപ്പാക്കുന്നതിന് മുന്നോടിയായുള്ള പബ്ലിക് ഹിയറിംഗ് ഇന്ന് രാവിലെ 10.30 ന് കളക്ടറേറ്റിലെ തൂലിക കോൺഫറൻസ് ഹാളിൽ നടക്കും. ജില്ലയുടെ കരട് തീരദേശ പരിപാലന പ്ലാൻ കേരള കോസ്റ്റൽ മനേജ്‌മെന്റ് അതോറിറ്റി പ്രസിദ്ധീകരിച്ചിട്ടുണ്ട്. ജില്ലയിൽ സി.ആർ.ഇസഡ് ബാധകമായിട്ടുള്ളത് വൈക്കം നഗരസഭയും ചെമ്പ്, മറവൻതുരുത്ത്, ഉദയനാപുരം,ടി.വി പുരം, തലയാഴം വെച്ചൂർ ഗ്രാമപഞ്ചായത്തുകളുമാണ്. പ്ലാൻ മാപ്പ് പഞ്ചായത്തുകളിൽ പൊതുപരിശോധനയ്ക്ക് ലഭ്യമാക്കിയിട്ടുണ്ട്. അഭിപ്രായങ്ങളും ആക്ഷേപങ്ങളും അറിയിക്കാൻ ഈ അവസരം വിനിയോഗിക്കാം. Coastal.keltron.org എന്ന വെബ്‌സൈറ്റ് വഴി അഭിപ്രായങ്ങൾ നൽകാം.