തെങ്ങിൻതൈ വിതരണം

വാഴൂർ : കാർഷിക വികസന കർഷകക്ഷേമ വകുപ്പും വാഴുർ ഗ്രാമപഞ്ചായത്ത് കൃഷിഭവനും കോക്കനട്ട് കൗൺസിൽ പദ്ധതി പ്രകാരം നടപ്പിലാക്കുന്ന തെങ്ങിൻ തൈകളുടെ വിതരണം ആരംഭിച്ചു. ഡബ്ല്യു സി ടി ഇനത്തിൽപ്പെട്ട 1100 നാടൻ തെങ്ങിൻ തൈകളാണ് വിതരണത്തിനായി തയ്യാറായിരിക്കുന്നത്. ഒരു തെങ്ങിൻ തൈയ്ക്ക് 55 രൂപയാണ്. വസ്തുവിന്റെ കരമടച്ച രസീതിന്റെ കോപ്പിയുമായി കൃഷിഭവനിൽ എത്തുന്നവർക്ക് തെങ്ങിൻ തൈകൾ ലഭ്യമാകും. വിതരണ ഉദ്ഘാടനം ഗ്രാമപഞ്ചായത്ത് പ്രസിഡന്റ് വി.പി.റെജി നിർവഹിച്ചു. പഞ്ചായത്ത് അംഗം സുബിൻ നെടുംപുറം, അഗ്രിക്കൾച്ചർ ഓഫീസർ അരുൺകുമാർ.ജി ,അസി.അഗ്രിക്കൾച്ചർ ഓഫീസർ രേഖ ടി.കെ എന്നിവർ സംസാരിച്ചു.