ഏകോപന സമിതി യോഗം ചേർന്നു

കോട്ടയം : മാലിന്യമുക്ത നവകേരളം ക്യാമ്പയിന്റെ ഭാഗമായി ഏകോപന സമിതി അംഗങ്ങളുടെ യോഗം തദ്ദേശസ്വയംഭരണ വകുപ്പ് ജോയിന്റ് ഡയറക്ടർ ബിനുജോണിന്റെ ചേംബറിൽ ചേർന്നു. നിയോജകമണ്ഡലതല ക്യാമ്പയിനുകളും പ്രവർത്തനങ്ങളും യോഗത്തിൽ വിലയിരുത്തി. രണ്ടാം ഘട്ട ഹരിത ഓഡിറ്റ് പൂർത്തിയാക്കാനും മണ്ഡലതല കൺവീനർമാരുടെ യോഗം ചേരാനും തീരുമാനിച്ചു. ഡിസംബർ മാസത്തിൽ തുമ്പൂർമുഴി മാതൃകയുടെ പ്രവർത്തന പരിശീലനം സംഘടിപ്പിക്കും. തദ്ദേശ സ്വയംഭരണ വകുപ്പ് അസിസ്റ്റന്റ് ഡയറക്ടർമാരായ ജി. അനീസ്, ഷെറഫ് പി. ഹംസ, മാലിന്യമുക്ത നവകേരളം ക്യാമ്പയിൻ കോ-ഓർഡിനേറ്റർ ടി.പി. ശ്രീശങ്കർ, പ്രോജക്ട് ഡയറക്ടർ ബെവിൻ ജോൺ വർഗീസ്, ലക്ഷ്മി പ്രസാദ്, നോബിൾ സേവ്യർ എന്നിവർ പങ്കെടുത്തു.