വൈക്കം : വൈക്കം സബ് റീജിയണൽ ട്രാൻസ്‌പോർട്ട് ഓഫീസിന്റെ പരിധിയിൽ വരുന്ന സ്‌കൂൾ, കോളേജ് വാഹനങ്ങളുടെ പരിശോധന 25, ജൂൺ 1 തീയതികളിൽ ആശ്രമം സ്‌കൂൾ മൈതാനത്ത് നടക്കും. 1 മുതൽ 5000 വരെ രജിസ്‌ട്രേഷൻ നമ്പറുള്ള വാഹനങ്ങൾ 25 നും, 5001 മുതൽ 9999 വരെയുള്ള വാഹനങ്ങൾ ജൂൺ 1 നുമാണ് പരിശോധിക്കുക. ഡ്രൈവർമാർക്കായുള്ള ബോധവത്കരണ ക്ലാസ് 29 ന് രാവിലെ 9 മുതൽ വൈക്കം ലിസ്യു പബ്ലിക് സ്‌കൂൾ ഓഡിറ്റോറിയത്തിൽ നടത്തും. ജൂൺ 1 മുതൽ പരിശോധന സ്റ്റിക്കർ ഇല്ലാത്ത വാഹനങ്ങൾക്കെതിരെ നിയമ നടപടികൾ സ്വീകരിക്കുമെന്ന് ജോയിന്റ് ആർ.ടി.ഒ ഡി.ജ്യോതികുമാർ അറിയിച്ചു.