യുവാവിന് രണ്ട് വർഷം തടവ്

കോട്ടയം: ജില്ലാ ആശുപത്രിയിൽ ഡ്യൂട്ടിയിലുണ്ടായിരുന്ന പൊലീസ് ഉദ്യോഗസ്ഥനെ ആക്രമിച്ച വടവാതൂർ, ശാന്തിഗ്രാം ഭാഗത്ത് പുത്തൻപറമ്പിൽ രഹിലാലിന് (32) രണ്ട് വർഷം കഠിനതടവിന് കോട്ടയം ജുഡീഷ്യൽ ഫസ്റ്റ് ക്ലാസ് കോടതി ശിക്ഷിച്ചു. ജഡ്ജി അനന്തകൃഷ്ണനാണ് വിധി പ്രസ്താവിച്ചത്. 2019ൽ ജില്ലാ ആശുപത്രിയിലെ പൊലീസ് എയ്ഡ്പോസ്റ്റിലെ ഡ്യൂട്ടിക്കാരനായ പൊലീസ് ഉദ്യോഗസ്ഥനെ ചീത്തവിളിക്കുകയും ആക്രമിക്കുകയുമായിരുന്നു. എസ്.ഐ യായിരുന്ന ടി.ശ്രീജിത്തിന്റെ നേതൃത്വത്തിൽ ഇയാൾക്കെതിരെ കോടതിയിൽ കുറ്റപത്രം സമർപ്പിച്ചു. പ്രോസിക്യൂഷന് വേണ്ടി അസിസ്റ്റന്റ് പബ്ലിക് പ്രോസിക്യൂട്ടർ റോബിൻ നെല്ലിയറ ഹാജരായി.