വിദ്യാർത്ഥികൾക്ക് നിയമ ബോധവത്ക്കരണം

കോഴിക്കോട് : ഇന്റർനാഷണൽ ഗേൾസ് ചൈൽഡ് ഡേയുടെ ഭാഗമായി താലൂക്ക് ലീഗൽ സർവീസ് കമ്മിറ്റി, എൻ.എസ്.എസ് എന്നിവർ സംയുക്തമായി ബി.ഇ.എം ഗേൾസ് ഹയർ സെക്കൻഡറി സ്കൂളിൽ വിദ്യാർത്ഥികൾക്കായി നിയമ ബോധവത്ക്കരണം നടത്തി. കോഴിക്കോട് മുൻസീഫ് കോടതി അഡിഷണൽ മുൻസീഫ് ഷബീന. എം ഉദ്ഘാടനം ചെയ്തു. പ്രിൻസിപ്പൽ ജെസി ജോസഫ് അദ്ധ്യക്ഷത വഹിച്ചു. ഡി.എൽ.എസ്.എ പാനൽ ലോയർ കൃഷ്ണ വർമ്മ പി കെ, ചീഫ് മെഡിക്കൽ ഓഫീസർ ഡോ.വി ബബിത കുമാരി ക്ലാസെടുത്തു. പി.എൽ.വിമാരായ റഹ്മത്ത് അമൻ, ഫാറൂഖ് തുമ്പപ്പാടം , ഗിരീഷ് കുമാർ എ.പി. എന്നിവർ പ്രസംഗിച്ചു. ടി.എൽ.എസ് സി സെക്രട്ടറി പ്രദീപ്‌ ഗോപിനാഥ് സ്വാഗതം പറഞ്ഞു.