റിപ്പോർട്ട് നൽകി

പത്തനംതിട്ട : മലയാലപ്പുഴ വില്ലേജിൽ സർക്കാർ പുറമ്പോക്ക് ഭൂമി അയൽവാസികൾ കൈയേറിയതായും കൈയേറ്റം തിട്ടപ്പെടുത്താൻ സർവ്വേയറുടെ സേവനം ആവശ്യപ്പെട്ടിട്ടുണ്ടെന്നും കോന്നി താലൂക്ക് തഹസിൽദാർ ജില്ലാ കളക്ടർക്ക് റിപ്പോർട്ട് നൽകി. മലയാലപ്പുഴ വില്ലേജിൽ സർക്കാർ പുറമ്പോക്ക് ഭൂമിയിൽ കൈയേറ്റം നടക്കുന്നുവെന്നു കാണിച്ച് ലഭിച്ച വിവരാവകാശ രേഖകൾ ചൂണ്ടിക്കാട്ടി സാമൂഹ്യ പ്രവർത്തകനായ റഷീദ് ആനപ്പാറ മുഖ്യമന്ത്രി, റവന്യൂ വകുപ്പ് മന്ത്രി ,ലാൻഡ് റവന്യൂ കമ്മിഷണർ ,എന്നിവർക്ക് നൽകിയ പരാതിയെ തുടർന്ന് ജില്ലാ കളക്ടർ ആവശ്യപ്പെട്ട റിപ്പോർട്ടിനു തഹസിൽദാർ നൽകിയ മറുപടിയിലാണ് ഈ വിവരം അറിയിച്ചത്.