ബഡ്ജറ്റിൽ അവഗണന

മല്ലപ്പള്ളി : സംസ്ഥാന ബഡ്ജറ്റിൽ തിരുവല്ല നിയോജക മണ്ഡലത്തെയും മല്ലപ്പള്ളി താലൂക്ക് പ്രദേശങ്ങളെയും പൂർണമായും അവഗണിച്ചുവെന്ന് കെ.പി.സി.സി മുൻ നിർവാഹകസമിതി അംഗം അഡ്വ.റെജി തോമസ് ആരോപിച്ചു. തകർന്ന് താറുമാറായ ഗ്രാമീണ റോഡുകളുടെ പുനുരുദ്ധാരണം സംബന്ധിച്ചുപോലും ഒരു പരാമർശവുമില്ല. മല്ലപ്പള്ളി ഐ എച്ച് ആർ ഡി കോളേജ്, മല്ലപ്പള്ളി ഫയർ സ്റ്റേഷൻ എന്നിവയുടെ കാര്യത്തിലും ഒരു നടപടിയുമില്ല. മുൻ ബഡ്ജറ്റിൽ പ്രഖ്യാപിച്ച പല പദ്ധതികളും ഇതുവരെ ആരംഭിച്ചിട്ടില്ല. വാഗ്ദാനങ്ങൾ മാത്രമായി ബഡ്ജറ്റുകൾ മാറിയെന്നും ആരോപിച്ചു.