പ്രതിഷേധിച്ചു

പത്തനംതിട്ട : ടൗൺ സ്ക്വയർ ഉദ്ഘാടന ചടങ്ങിലെ അവതാരകനും അദ്ധ്യാപകനുമായ ബിനു കെ.സാമിന് മർദ്ദനമേറ്റതിന് പിന്നിൽ മന്ത്രി വീണാ ജോർജ് - നഗരസഭ ചെയർമാൻ സക്കീർ ഹുസൈൻ പോരിന്റെ പ്രതിഫലനമാണെന്ന് ബ്ലോക്ക് കോൺഗ്രസ് പ്രസിഡന്റ് ജെറി മാത്യു സാം പറഞ്ഞു. സി.പി.എം പൊതുപരിപാടിക്ക് പോകുന്ന സംസ്കാരിക - സാമൂഹിക നേതാക്കൾ ഇത് മനസിലാക്കണം. നഗരസഭയുടെ ഭരണത്തിൽ ഇരുന്ന ജനറൽ ആശുപത്രി ഭരണം നഗരസഭയുടെ ചുമതലയിൽ നിന്ന് മാറ്റി ജില്ലാ പഞ്ചായത്തിന് കൈമാറിയതും ഇവർ തമ്മിലുള്ള ചക്കുളത്തി പോരാട്ടമാണെന്ന് ജെറി പറഞ്ഞു.