സമ്പൂർണ ഡിജിറ്റൽ സാക്ഷരരായി ന​ഗരൂർ പഞ്ചായത്തുകാർ

കിളിമാനൂർ: കിളിമാനൂർ ബ്ലോക്ക് പരിധിയിലെ ന​ഗരൂർ പഞ്ചായത്ത് ഇനി സമ്പൂർണ ഡിജിറ്റൽ സാക്ഷരതാ പഞ്ചായത്ത്. നഗരൂർ ക്രിസ്റ്റൽ അങ്കണത്തിൽ നടന്ന ചടങ്ങിൽ കൈറ്റ് സി.ഇ.ഒ അൻവർ സാദത്ത് ന​ഗരൂർ പഞ്ചായത്തിനെ സമ്പൂർണ ഡിജിറ്റൽ സാക്ഷരരുള്ള പഞ്ചായത്തായി പ്രഖ്യാപിച്ചു. ബ്ലോക്ക് പഞ്ചായത്ത് പ്രസിഡന്റ് ബി.പി.മുരളി അദ്ധ്യക്ഷനായി. ബ്ലോക്ക് ഡിജിറ്റൽ സാക്ഷരതാ കോ-ഓർഡിനേറ്റർ കെ.ജി.ബിജു റിപ്പോർട്ട് അവതരിപ്പിച്ചു. ന​ഗരൂർ പഞ്ചായത്ത് പ്രസിഡന്റ് ഡി.സ്മിത സ്വാ​ഗതവും സി.ഡി.എസ് ചെയർപേഴ്സൺ ജി.ഷീബ നന്ദിയും പറഞ്ഞു. ജി.ജി.​ഗിരികൃഷ്ണൻ, ശ്രീജാ ഉണ്ണികൃഷ്ണൻ, പി.പ്രസീത,അബി ശ്രീരാജ്,എ.എസ്.വിജയലക്ഷ്മി,കെ.അനിൽ കുമാർ,കുമാരി ശോഭ,ആർ.എസ്.സിന്ധു, എൻ.അനി,എം.രഘു,നിസാമുദ്ദീൻ നാലപ്പാട്ട്, അനോബ് ആനന്ദ്,ആർ.സുരേഷ് കുമാർ,എസ്.രേവതി,കെ.ശ്രീലത,എസ്.ഉഷ,അർച്ചന സഞ്ചു, പഞ്ചായത്ത് സെക്രട്ടറി ആർ.എസ്.ഷീജ തുടങ്ങിയവർ സംസാരിച്ചു.