ഉപതെരഞ്ഞെടുപ്പ്: പോളിംഗ് 79.6%

ചൊവ്വന്നൂർ: പഞ്ചായത്തിലെ മാന്തോപ്പ് 11-ാം വാർഡിൽ ഉപതെരഞ്ഞെടുപ്പ് പൂർത്തിയായപ്പോൾ 79.6 ശതമാനം പേർ വോട്ട് രേഖപ്പെടുത്തി. 385 പുരുഷൻമാരും 509 സ്ത്രീകളും ഉൾപ്പെടെ 894 പേരാണ് പയ്യൂർ എ.എൽ.പി.എസിൽ സമ്മദിദാന അവകാശം വിനിയോഗിച്ചത്. രണ്ട് ബൂത്തുകളാണ് ക്രമീകരിച്ചിരുന്നത്. 11-ാം വാർഡിൽ ആകെ 1123 (പുരുഷൻമാർ: 520, സ്ത്രീകൾ: 603) സമ്മദിദായകരാണ് ഉള്ളത്. മൂന്ന് സ്ഥാനാർത്ഥികളാണ് മത്സര രംഗത്തുള്ളത്. ഷഹർബാൻ (സി.പി.എം), വിനീത ഷിബി (ബി.ജെ.പി), സിജി ഗീവർ (കോൺഗ്രസ്). വോട്ടെണ്ണൽ ഇന്ന് രാവിലെ 10 ന് ചൊവ്വന്നൂർ ഗ്രാമപഞ്ചായത്ത് ഓഫീസ് ഹാളിൽ ആരംഭിക്കും.