പനാജി: ഇന്ത്യൻ നാവികസേനയ്‌ക്കായി ഏഴ് പുതുതലമുറ ഓഫ്‌ഷോർ പട്രോൾ വെസലുകൾ നിർമ്മിക്കുന്നതിന് പ്രതിരോധ വകുപ്പുമായി 6,200 കോടി രൂപയുടെ കരാറിൽ ഗോവ ഷിപ് യാർഡ് ലിമിറ്റഡ് (ജി.എസ്‌.എൽ) ഒപ്പുവെച്ചു. 9,781 കോടി രൂപയുടെ ഓർഡറിന്റെ ഭാഗമാണ് കരാർ. ഈ കപ്പലുകളുടെ തദ്ദേശീയമായ നിർമ്മാണം സജീവ പങ്കാളിത്തത്തെ പ്രോത്സാഹിപ്പിക്കും.

കപ്പലുകൾ ഏറ്റെടുക്കുന്നത് മൂലം ഇന്ത്യൻ നാവികസേനയ്ക്ക് കടൽക്കൊള്ള, കൗണ്ടർ നുഴഞ്ഞുകയറ്റം, വേട്ടയാടൽ വിരുദ്ധ, മനുഷ്യക്കടത്ത് വിരുദ്ധ, നോൺ-കോംബാറ്റന്റ് ഒഴിപ്പിക്കൽ ഓപ്പറേഷൻസ്, സെർച്ച് ആൻഡ് റെസ്ക്യൂ , ഓഫ്‌ഷോർ ആസ്തികളുടെ സംരക്ഷണം മുതലായവ സംരക്ഷിക്കാൻ സധിക്കും. സിഎംഡി ജിഎസ്എൽ ബി കെ ഉപാധ്യായ, ക്യാപ്റ്റൻ ജഗ്മോഹൻ, ഡയറക്ടർ (കോർപ്പറേറ്റ് പ്ലാനിംഗ്, പ്രോജക്ട് ആൻഡ് ബിസിനസ് ഡെവലപ്മെന്റ്), ധർമ്മേന്ദ്ര കുമാർ സിംഗ്, ജെ.എസ് ആൻഡ് എ.എം (എയർ) എന്നിവർ പങ്കെടുത്തു.