ബിസിനസ് വ്യാപിപ്പിച്ച് മുത്തൂറ്റ് ബ്രോക്കിംഗ് സർവീസസ്

കൊച്ചി: ദക്ഷിണേന്ത്യയിൽ കൂടുതൽ ഓഫീസുകൾ ആരംഭിച്ച് പ്രവർത്തനം വിപുലീകരിക്കാൻ മുത്തൂറ്റ് പാപ്പച്ചൻ ഗ്രൂപ്പ് സ്ഥാപനമായ മുത്തൂറ്റ് റിസ്ക്ക് ഇൻഷ്വറൻസ് ആൻഡ് ബ്രോക്കിംഗ് സർവീസസ് ഒരുങ്ങുന്നു, സാധാരണക്കാർക്ക് ആവശ്യമായ സേവനങ്ങൾ ലഭ്യമാക്കുന്നതിനായി കഴിഞ്ഞ ദിവസം കമ്പനിയുടെ പുതിയ ഓഫീസ് കൊച്ചിയിലെ പാലാരിവട്ടത്ത് ആരംഭിച്ചു. 137 വർഷത്തെ പാരമ്പര്യമുള്ള മുത്തൂറ്റ് പാപ്പച്ചൻ ഗ്രൂപ്പിന്റെ കീഴിലുള്ള ഇന്ത്യയിലെ മുൻനിര ഇൻഷ്വറൻസ് ബ്രോക്കിംഗ് കമ്പനികളിലൊന്നാണ് മുത്തൂറ്റ് റിസ്ക് ഇൻഷ്വറൻസ് ആൻഡ് ബ്രോക്കിംഗ് സർവീസസ്.

പുതിയ ഓഫീസിന്റെ ഉദ്‌ഘാടനം കുട്ടുക്കാരൻ ഗ്രൂപ്പ് സ്ഥാപനമായ പോപ്പുലർ വെഹിക്കിൾസ് ആൻഡ് സർവീസസ് മാനേജിംഗ് ഡയറക്ടർ നവീൻ ഫിലിപ്പ് മുഖ്യാതിഥിയായ ചടങ്ങിൽ നിർവഹിച്ചു. മുത്തൂറ്റ് പാപ്പച്ചൻ ഗ്രൂപ്പ് ഡയറക്ടർമാരായ തോമസ് ജോർജ് മുത്തൂറ്റ്, തോമസ് മുത്തൂറ്റ്, മുത്തൂറ്റ് ഓട്ടോമൊബൈൽസ് സി. ഇ. ഒ റെമി മുത്തൂറ്റ്, മുത്തൂറ്റ് റിസ്ക് ഇൻഷ്വറൻസ് സി. ഇ. ഒ ശ്രീറാം കുമാർ തുടങ്ങിയവർ പങ്കെടുത്തു.