നാടകീയം അമൃത്പാലിന്റെ കീഴടങ്ങൽ

ന്യൂഡൽഹി: ശനിയാഴ്‌ച അർദ്ധരാത്രി റോഡ് ഗ്രാമത്തിലെത്തിയ വിഘടവാദി നേതാവ് അമൃത്‌പാൽ സിംഗ് കീഴടങ്ങുമെന്ന് അനുയായികളെ അറിയിച്ചിരുന്നു. കീഴടങ്ങുന്നതിന് മുമ്പ് സംഗത് (പ്രത്യേക സഭ) അഭിസംബോധന ചെയ്തു. തുടർന്ന് വസ്ത്രങ്ങളും മറ്റും പാക്ക് ചെയ്തു. രാവിലെ ഏഴ് മണിയോടെ എസ്‌.എസ്‌.പി അജ്‌നാല, ഐ.ജി (ഇന്റലിജൻസ്) ജസ്‌കരൻ സിംഗ് എന്നിവർ അടങ്ങിയ സംഘത്തിന് മുന്നിൽ കീടങ്ങിയെന്നും അമൃത്‌പാലിന്റെ അനുയായികൾ പറയുന്നു. അതേസമയം വൻ ജനക്കൂട്ടത്തിന് മുന്നിൽ കീഴടങ്ങാനായിരുന്നു അമൃത്‌പാൽ ലക്ഷ്യമിട്ടതെന്നും പദ്ധതി യാഥാർത്ഥ്യമായില്ലെന്നും പൊലീസ് വൃത്തങ്ങൾ അറിയിച്ചു. ഭഗവന്ത് മാന്റെ നേതൃത്വത്തിലുള്ള ആം ആദ്‌‌‌മി സർക്കാരിന്റെ യഥാർത്ഥ മുഖം അനാവരണം ചെയ്യാൻ സാധിച്ചെന്ന് കീഴടങ്ങുന്നതിന് മുൻപ് പുറത്തുവിട്ട വീഡിയോയിൽ അമൃത്‌പാൽ പറഞ്ഞു.

മാർച്ച് 28 ന് അമൃത്പാൽ സുവർണ ക്ഷേത്രത്തിൽ കീഴടങ്ങാൻ പദ്ധതിയിട്ടിരുന്നു. ഇതിനിടെ ലണ്ടനിലേക്ക് കടക്കാൻ ശ്രമിച്ച അമൃത്പാൽ സിംഗിന്റെ ഭാര്യ കിരൺദീപ് കൗറിനെ ശ്രീ ഗുരു റാം ദാസ് അന്താരാഷ്ട്ര വിമാനത്താവളത്തിൽ നിന്ന് മടക്കി അയച്ചു.

രൂപ്‌നഗർ ജില്ലയിലെ ചംകൗർ സാഹിബിൽ താമസിക്കുന്നയാളെ തട്ടിക്കൊണ്ടുപോയ കേസിൽ അറസ്റ്റിലായ അനുയായി ലവ് പ്രീതി സിംഗിനെ മോചിപ്പിക്കാൻ ലക്ഷ്യമിട്ട് ഫെബ്രുവരി 23ന് അജ്നാന പൊലീസ് സ്റ്റേഷൻ അക്രമിച്ചതോടെയാണ് പൊലീസ് അമൃത്‌പാലിനായി വലവിരിച്ചത്. മാർച്ച് 18ന് അമൃത് പാലിന്റെ വാഹന വ്യൂഹം ജലന്ധറിലെ ഷാഹ്കോട്ട് തഹ്സിലിലേക്ക് പോകുന്നതിനിടെ 50 വാഹനങ്ങളിലായെത്തിയ പൊലീസ് സംഘം പിന്തുടർന്ന് പിടികൂടാൻ ശ്രമിച്ചെങ്കിലും കടന്നുകളഞ്ഞു. പല വാഹനങ്ങളിൽ കയറിയും വേഷം മാറിയും അമൃത്‌പാൽ 35 ദിവസം ഒളിവിൽ കഴിഞ്ഞു.

നേരത്തെ കീഴടങ്ങിയ അമ്മാവൻ ഹർജീത് സിംഗ് അറസ്റ്റിലായ സഹായികളായ ദൽജീത് സിംഗ് കൽസി, പാപൽപ്രീത് സിംഗ്, കുൽവന്ത് സിംഗ് ധലിവാൾ, വരീന്ദർ സിംഗ്, ഗുർമീത് സിംഗ് ബുക്കൻവാല, ഹർജിത് സിംഗ്, ഭഗവന്ത് സിംഗ്, ഗുരീന്ദർ പാൽ സിംഗ് എന്നിവർ ദേശീയ സുരക്ഷാ നിയമം ചുമത്തി ദിബ്രുഗഡ് സെൻട്രൽ ജയിലിലേക്ക് മാറ്റിയിരുന്നു.

ഭി​ന്ദ്ര​ൻ​വാ​ല​യെ
അ​നു​ക​രി​ച്ച്...

ന്യൂ​ഡ​ൽ​ഹി​:​ ​സു​വ​ർ​ണ​ ​ക്ഷേ​ത്ര​ത്തി​ൽ​ 1984​ൽ​ ​ന​ട​ന്ന​ ​ഓ​പ്പ​റേ​ഷ​ൻ​ ​ബ്ളൂ​സ്റ്റാ​റി​ൽ​ ​കൊ​ല്ല​പ്പെ​ട്ട​ ​ഖാ​ലി​സ്ഥാ​ൻ​ ​നേ​താ​വ് ​ഭി​ന്ദ്ര​ൻ​വാ​ല​യു​ടെ​ ​പി​ൻ​ഗാ​മി​യാ​യി​ ​സ്വ​യം​ ​വി​ശേ​ഷി​പ്പി​ച്ച് ​ന​ട​ത്തി​യ​ ​നീ​ക്ക​ങ്ങ​ൾ​ ​അ​മൃ​ത്‌​പാ​ലി​ന് ​വി​ന​യാ​യി.​ ​ഭി​ന്ദ്ര​ൻ​വാ​ല​യെ​പ്പോ​ലെ​ ​തോ​ന്നി​പ്പി​ക്കാ​ൻ​ ​ക​ണ്ണി​ന് ​ശ​സ്ത്ര​ക്രി​യ​ ​ന​ട​ത്തി​യി​രു​ന്നു.​ ​സ​മാ​ന​ ​വേ​ഷം​ ​ധ​രി​ച്ചും​ ​ജീ​വി​ത​ ​ശൈ​ലി​ ​മാ​റ്റി​യും​ ​ഭി​ന്ദ്ര​ൻ​വാ​ല​യോ​ട് ​താ​ത്‌​പ​ര്യ​മു​ള്ള​ ​വി​ഭാ​ഗ​ങ്ങ​ളെ​ ​സ്വാ​ധീ​നി​ക്കാ​ൻ​ ​അ​മൃ​ത്‌​പാ​ലി​ന് ​ക​ഴി​ഞ്ഞു.
വാ​രി​സ് ​പ​ഞ്ചാ​ബ് ​ദേ​ ​സം​ഘ​ട​ന​യു​ടെ​ ​ത​ല​വ​നാ​യി​ ​ചു​മ​ത​ല​യേ​റ്റ​ശേ​ഷം​ ​ഭി​ന്ദ്ര​ൻ​വാ​ല​ 2.0​ ​എ​ന്ന് ​സ്വ​യം​ ​വി​ശേ​ഷി​പ്പി​ച്ച് ​ത​ല​പ്പാ​വും​ ​പ​ര​മ്പ​രാ​ഗ​ത​ ​സി​ക്ക് ​വ​സ്ത്ര​ങ്ങ​ളും​ ​ചി​ഹ്ന​ങ്ങ​ളും​ ​ധ​രി​ച്ച് ​വേ​ഷ​വി​ധാ​നം​ ​മാ​റ്റി.