ന്യൂഡൽഹി: കാർഷികോത്പന്നങ്ങൾക്ക് നിയമ പിൻബലമുള്ള താങ്ങുവില ഉറപ്പു നൽകുമോ എന്ന കെ. മുരളീധരൻ എം.പിയുടെ ചോദ്യത്തോട് പ്രതികരിക്കാതെ കേന്ദ്ര കൃഷി മന്ത്രി നരേന്ദ്ര സിംഗ് തോമർ. ചോദ്യത്തിന് നിലവിലുള്ള താങ്ങുവിലയെ പറ്റിയാണ് മന്ത്രി വിശദീകരിച്ചത്. കർഷക സമരം നയിക്കുന്ന സംയുക്ത കിസാൻ മോർച്ചയുടെ പ്രധാന ആവശ്യമാണ്‌ കാർഷികോത്പന്നങ്ങൾക്ക് നിയമ പിൻബലമുള്ള താങ്ങുവില എന്നത്. 22 കാർഷിക ഉത്പന്നങ്ങൾക്ക് ഇപ്പോൾ തന്നെ താങ്ങുവിലയുണ്ടെന്നാണ് മന്ത്രി നൽകിയ മറുപടി. നിയമ നിർമ്മാണത്തെ പറ്റി മന്ത്രി മൗനം പാലിച്ചു.