കൊൽക്കത്ത : പശ്ചിമ ബംഗാളിൽ ഏഴ് പുതിയ ജില്ലകൾ കൂടി രൂപീകരിക്കുന്നതോടെ സംസ്ഥാനത്തെ ജില്ലകളുടെ എണ്ണം 30 ആവും. ബെർഹാംപൂർ, സുന്ദർബൻസ്, റാണാ ഘട്ട്, കണ്ടി, ബഷിർഘട്ട്, ഇചാമതി, ബിഷ്ണുപൂർ എന്നീ ജില്ലകളാണ് രൂപീകരിക്കുകയെന്ന് മുഖ്യമന്ത്രി മമത ബാനർജി പറഞ്ഞു. പാർത്ഥ ചാറ്റർജിയെ മന്ത്രിസഭയിൽ പുറത്താക്കിയ സാഹചര്യത്തിൽ കാബിനറ്റ് പുനഃസംഘടനയുണ്ടാകുമെന്ന് മമത സൂചന നൽകി. കാബിനറ്റിൽ മൂന്നോ നാലോ പുതുമുഖങ്ങൾ ഉണ്ടാവുമെന്നും ഇത് സംബന്ധിച്ച പ്രഖ്യാപനം നാളെ ഉണ്ടാകുമെന്നും മമത പറഞ്ഞു. പാർത്ഥ ചാറ്റർജിയുടെ വകുപ്പുകൾ ഇപ്പോൾ കൈകാര്യം ചെയ്യുന്നത് മമതയാണ്.