ലോസ്ആഞ്ചലസ്: 1960-70കളിൽ ഹോളിവുഡിൽ തരംഗമായി മാറിയ നടിയും മോഡലുമായ സ്റ്റെല്ല സ്റ്റീവൻസ് ( 84 ) അന്തരിച്ചു. അൽഷൈമേഴ്സ് ബാധിതയായിരുന്നു. ദ നട്ടി പ്രൊഫസർ ( 1963 ), ദ പൊസിഡൺ അഡ്വെഞ്ചർ ( 1972 ) തുടങ്ങിയ ചിത്രങ്ങളിലൂടെ പ്രശസ്തയായ സ്റ്റെല്ല വെള്ളിയാഴ്ച അൽഷൈമേഴ്സ് പരിപാലന കേന്ദ്രത്തിൽ വച്ചാണ് വിടവാങ്ങിയത്. 1938ൽ മിസിസിപ്പിയിലെ യാസൂ സിറ്റിയിൽ ജനിച്ച സ്റ്റെല്ല 16-ാം വയസിൽ വിവാഹിതയായി. മകൻ ആൻഡ്രൂ നടനും നിർമ്മാതാവുമാണ്. രണ്ട് വർഷങ്ങൾക്ക് ശേഷം വിവാഹ മോചിതയായ സ്റ്റെല്ല മെംഫിസ് സ്റ്റേറ്റ് യൂണിവേഴ്സിറ്റിയിൽ പഠനത്തിന് ചേർന്നു. ഇക്കാലയളവിലാണ് അഭിനയ രംഗത്തേക്കെത്തിയത്. റോക്ക് ആൻഡ് റോൾ ഇതിഹാസം എൽവിസ് പ്രെസ്ലിക്കൊപ്പമുള്ള ഗേൾസ്!ഗേൾസ്!ഗേൾസ്! ( 1962 ) എന്ന ചിത്രത്തിലൂടെ വഴിത്തിരിവായി. ദ സൈലൻസേഴ്സ്, ദ മാഡ് റൂം, ആർനോൾഡ്, ലാസ് വേഗാസ് ലേഡി തുടങ്ങിയവയാണ് മറ്റ് പ്രധാന ചിത്രങ്ങൾ. ഒട്ടേറെ ടെലിവിഷൻ പരമ്പരകളിലും അഭിനയിച്ചു. റോക്ക് ഗിറ്റാറിസ്റ്റ് ബോബ് കുലിക്ക് ജീവിത പങ്കാളിയായി, 2010ൽ അഭിനയ ജീവിതം അവസാനിപ്പിച്ചു.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |