മോസ്കോ: റഷ്യയിൽ ബസ് അപകടത്തിൽപ്പെട്ട് അഞ്ച് പേർക്ക് ദാരുണാന്ത്യം. 21 പേർക്ക് പരിക്കേറ്റു.പലരുടെയും പരിക്കുകൾ ഗുരുതരമാണ്. ഞായറാഴ്ച പുലർച്ചെ മോസ്കോയ്ക്ക് തെക്ക് ഭാഗത്ത് റിയാസാൻ മേഖലയിൽ പ്രാദേശിക സമയം പുലർച്ചെ 5:45ന് അപകടമുണ്ടായതെന്ന് റഷ്യയുടെ ഫെഡറൽ റോഡ് ട്രാഫിക് ഇൻസ്പെക്ഷൻ ഏജൻസി അറിയിച്ചു. റെയിൽവേ പാലത്തിന്റെ തൂണിൽ ബസ് ഇടിച്ചതാണ് അപകടകാരണമെന്നാണ് റിപ്പോർട്ട്. ബസിൽ ആകെ 49 യാത്രക്കാരാണുണ്ടായിരുന്നതെന്ന് അധികൃതർ അറിയിച്ചു.സംഭവത്തിൽ കേസെടുത്ത് അന്വേഷണം ആരംഭിച്ചിട്ടുണ്ട്.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |