നിരോധിത പുകയില ഉത്പന്നങ്ങൾ പിടിച്ചു

കുമരകം: ലക്ഷങ്ങൾ വില വരുന്ന നിരോധിത പുകയില ഉത്പന്നങ്ങൾ പിടിച്ചെടുത്തു. ഇല്ലിക്കൽ പരുത്തിയകത്ത് ഭാഗത്ത് കുമരകം പൊലീസ് നടത്തിയ റെയ്ഡിലാണ് കോട്ടയം വിദ്യാർത്ഥി മിത്രത്തിന് സമീപം തട്ടുകട നടത്തുന്ന നിയാസിന്റെ കെട്ടിടത്തിൽ നിന്ന് 20 ചാക്ക് ഹാൻസ് പിടിച്ചെടുത്തത്. ജില്ലാ പൊലീസ് മേധാവിയുടെ നിർദ്ദേശപ്രകാരം കുമരകം എസ്.എച്ച്.ഒ കെ.ഷിജിയ്ക്ക് ലഭിച്ച വിവരത്തിന്റെ അടിസ്ഥാനത്തിലായിരുന്നു എസ്.ഐ ഒ.ആർ ബസന്തും സംഘവും റെയ്ഡ് നടത്തിയത്. റെയ്ഡിൽ സിവിൽ പൊലീസ് ഉദ്യോഗസ്ഥരായ അനീഷ് കുമാർ, ജാക്‌സൺ അഭിലാഷ്, പ്രതീഷ് എന്നിവരും പങ്കെടുത്തു.