ആരാധ്യയെ നോക്കി വീട്ടിലിരിക്കൂ; അഭിഷേകിനോട് ആരാധകൻ

ട്രോളുകളും തന്റെ ട്വിറ്റർ അക്കൗണ്ടിലൂടെ അഭിഷേക് ബച്ചൻ പങ്കുവയ്ക്കാറുണ്ട്. സ്വയം കളിയാക്കുന്ന ട്രോളുകളും പങ്കുവയ്ക്കുന്നതാണ് രീതി. അഭിഷേക് ഒരാരാധകനു നൽകിയ മറുപടിയാണ് ഇപ്പോൾ സമൂഹമാദ്ധ്യമത്തിൽ ചർച്ചയാകുന്നത്. ഐശ്വര്യയെ കൂടുതൽ സിനിമകൾ ചെയ്യാൻ വിടൂ, നിങ്ങൾ ആരാധ്യയെ നോക്കി വീട്ടിലിരിക്കൂ എന്നായിരുന്നു കമന്റ്. സർ, പുതിയ ചിത്രങ്ങൾ ചെയ്യാൻ ഐശ്വര്യയ്ക്ക് എന്റെ അനുവാദം ആവശ്യമില്ല. പ്രത്യേകിച്ച് അവർക്ക് ഇഷ്ടമുള്ള കാര്യമാകുമ്പോൾ, എന്നായിരുന്നു അഭിഷേകിന്റെ മറുപടി. അഭിഷേകിന്റെ മറുപടി അഭിനന്ദനങ്ങൾ നേടുകയാണ്. ഭർത്താവായി അങ്ങയെ തിരഞ്ഞെടുത്തത് ഐശ്വര്യയുടെ മികച്ച തീരുമാനമായിരുന്നുവെന്നും, ജീവിതത്തിൽ വിജയിക്കുന്ന എല്ലാ ഭാര്യമുാരുടെ പിന്നിലും ഒരു സ്നേഹസമ്പന്നനായ ഭർത്താവുണ്ടാകും തുടങ്ങിയ കമന്റുകളാണ് ട്വീറ്റിനു താഴെ നിറയുന്നത്. 2007 ഏപ്രിൽ 20നാണ് അഭിഷേക് ബച്ചനും ഐശ്വര്യ റായിയും വിവാഹിതരായത്. 2011 നവംബറിൽ ആണ് മകൾ ആരാധ്യ ജനിച്ചത്.