ബ്രിട്ടീഷ് യുദ്ധ വിമാനത്തിന്റെ തകരാർ പരിഹരിച്ചില്ല

ശംഖുംമുഖം: തിരുവനന്തപുരം വിമാനത്താവളത്തിൽ അടിയന്തര ലാൻഡിംഗ് നടത്തിയ അമേരിക്കൻ നിർമ്മിത എഫ്-35 ബ്രിട്ടീഷ് യുദ്ധവിമാനത്തിന്റെ സാങ്കേതിക തകരാർ പരിഹരിക്കാനായില്ല. പൈലറ്റും രണ്ട് എൻജിനിയർമാരും വിമാനത്തിന് അരികിലുണ്ട്. സി.ഐ.എസ്.എഫിന്റെ സായുധ കാവലുമുണ്ട്. തകരാർ പരിഹരിക്കാൻ അമേരിക്കൻ സംഘമെത്തുമെന്നാണ് അറിയുന്നത്. ഹൈഡ്രോളിക് ലിക്വിഡ് അടക്കം വിദേശത്തു നിന്നെത്തിക്കണം. ഞായറാഴ്ചയാണ് വിമാനം തിരുവനന്തപുരത്ത് ഇറക്കിയത്.