കാലുകൾ വയർ ഉപയോഗിച്ച് കെട്ടിയ നിലയിൽ, അടുത്ത് മദ്യക്കുപ്പി; വയനാട്ടിൽ കത്തിക്കരിഞ്ഞ നിലയിൽ മൃതദേഹം

കൽപ്പറ്റ: വയനാട്ടിൽ കെട്ടിടത്തിന്റെ ടെറസിൽ കത്തിക്കരിഞ്ഞ നിലയിൽ മൃതദേഹം കണ്ടെത്തി. ഇതരസംസ്ഥാന തൊഴിലാളിയാണ് മരിച്ചതെന്നാണ് സംശയം. കമ്പളക്കാട് ഒന്നാം മെെൽ റോഡിലെ നിർമ്മാണം നടക്കുന്ന കെട്ടിടത്തിന്റെ ടെറസിലാണ് മൃതദേഹം കണ്ടെത്തിയത്.

മൃതദേഹത്തിന്റെ കാലുകളിൽ വയർ ഉപയോഗിച്ച് ബന്ധിപ്പിച്ച നിലയിലാണ്. പെട്രോൾ കൊണ്ടുവന്ന കുപ്പിയും ബാഗും മദ്യക്കുപ്പിയും സ്ഥലത്ത് നിന്ന് പൊലീസ് കണ്ടെത്തിയിട്ടുണ്ട്. ആത്മഹത്യയാണെന്നാണ് സംശയം. പൊലീസ് സ്ഥലത്തെത്തി മേൽ നടപടികൾ ആരംഭിച്ചു. ഫോറൻസിക് വിദഗ്ധരും സ്ഥലെത്തെത്തി പരിശോധന നടത്തി.