കുഞ്ഞിന്റെ ചെവികടിച്ചെടുത്ത നായയ്ക്ക് പേവിഷബാധ

പറവൂർ: മൂന്നര വയസുകാരിയുടെ ചെവിയുടെ ഒരു ഭാഗം കടിച്ചെടുത്ത തെരുവുനായയ്‌ക്ക് പേവിഷ ബാധ സ്ഥിരീകരിച്ചു. നാട്ടുകാർ തല്ലിക്കൊന്ന നായയുടെ ജഡം മണ്ണുത്തി വെറ്ററിനറി സർവകലാശാലയിലെത്തിച്ച് നടത്തിയ പരിശോധനയിലാണ് ഇക്കാര്യം വ്യക്തമായത്. ചിറ്റാറ്റുകര നീണ്ടൂർ മേയ്ക്കാട്ടുവീട്ടിൽ മിറാഷ് - വിനുമോൾ ദമ്പതികളുടെ മകളായ നിഹാര, അറ്റുപോയ ചെവിയുടെ ഭാഗം തുന്നിച്ചേർക്കാൻ നടത്തിയ ശസ്ത്രക്രിയയ്‌ക്ക് ശേഷം എറണാകുളം മെഡിക്കൽ ട്രസ്റ്റ് ആശുപത്രിയിൽ ചികിത്സയിലാണ്. ഞായറാഴ്ച വൈകിട്ട് നാലിന് വീടിന് സമീപം സമപ്രായക്കാരോടൊപ്പം കളിക്കുന്നതിനിടെ തെരുവുനായ ആക്രമിക്കുകയായിരുന്നു.

ഐസി​ൽ സൂക്ഷി​ച്ചി​രുന്ന നായയുടെ ജഡം തിങ്കളാഴ്ച ചി​റ്റാറ്റുകര ഗ്രാമപഞ്ചായത്ത് മെമ്പർ ഗി​രി​ജ അജി​ത്കുമാറി​ന്റെ നേതൃത്വത്തിലാണ് വെറ്ററി​നറി​ സർവകലാശാലയിൽ എത്തി​ച്ചത്. ഇന്നലെയാണ് പരിശോധനാ ഫലം ലഭിച്ചത്. നായയ്‌ക്ക് പേവിഷബാധ സ്ഥിരീകരിച്ചതിനാലും കടിയേറ്റത് തലയിലായതിനാലും കുട്ടിയെ പ്രത്യേകം നിരീക്ഷിക്കുന്നുണ്ട്. പേവിഷ പ്രതിരോധ വാക്സിൻ നൽകി.