മലബാർ മെഡി. കോളേജിൽ സൂപ്പർ സ്പെഷ്യാലിറ്റി പി.ജി കോഴ്‌സുകൾക്ക് അനുമതി

കോഴിക്കോട്: മലബാർ മെഡിക്കൽ കോളേജിൽ (എം.എം.സി) ഈ അദ്ധ്യയന വർഷം മുതൽ സൂപ്പർ സ്പെഷ്യാലിറ്റി പി.ജി കോഴ്സുകളായ ഡി.എം കാർഡിയോളജി, ഡി.എം ഗ്യാസ്ട്രോഎന്ററോളജി എന്നിവയ്ക്ക് 3 സീറ്റുകളിൽ വീതം പ്രവേശനം നൽകാൻ നാഷണൽ മെഡിക്കൽ കമ്മിഷന്റെ അനുമതി ലഭിച്ചു. കേരള ആരോഗ്യ സർവകലാശാലയോട് അഫിലിയേറ്റ് ചെയ്തിരിക്കുന്ന പ്രസ്തുത കോഴ്സുകൾക്ക് ഈ വർഷത്തെ നീറ്റ് പി.ജി സൂപ്പർ സ്പെഷ്യാലിറ്റി റാങ്കിന്റെ അടിസ്ഥാനത്തിലായിരിക്കും പ്രവേശനം. പ്രസ്‌തുത കോളേജിൽ 76 സീറ്റുകളോടെ 18 ക്ലിനിക്കൽ നോൺ ക്ലിനിക്കൽ സ്പെഷ്യാലിറ്റി വിഭാഗങ്ങളിൽ എം.ഡി., എം.എസ് കോഴ്‌സുകളും നടത്തിവരുന്നു. കൂടുതൽ വിവരങ്ങൾക്ക്: 0496 2701800, 8086595715.