സിദ്ധാർത്ഥ് എസ്.എഫ്.ഐ പ്രവർത്തകനെന്ന് സി.പി.എം ബോർഡ്

നെടുമങ്ങാട് : മകൻ എസ്.എഫ്.ഐയിൽ ചേർന്നെങ്കിൽ ജീവൻ നഷ്ടപ്പെടില്ലായിരുന്നെന്ന് പിതാവ് ആവർത്തിക്കുമ്പോൾ,​ സിദ്ധാർത്ഥ്‌ തങ്ങളുടെ പ്രിയ പ്രവർത്തകനെന്ന് വീടിന് മുന്നിൽ ഫ്ളക്സ് ബോർഡ് സ്ഥാപിച്ച് സി.പി.എമ്മും ഡി.വൈ.എഫ്.ഐയും !

'' പൂക്കോട് ഗവ.വെറ്ററിനറി കോളേജ് വിദ്യാർത്ഥിയും എസ്.എഫ്.ഐ പ്രവർത്തകനും കുറക്കോട് നിവാസിയുമായ സിദ്ധാർത്ഥിന്റെ കൊലപാതകത്തിൽ ഉൾപ്പെട്ടിട്ടുള്ള മുഴുവൻ ക്രിമിനലുകളെയും അറസ്റ്റ് ചെയ്യുക. നീതിക്കായി എന്നും കുടുംബത്തോടൊപ്പം""- ഇങ്ങനെയാണ് ബോർഡിലെ വാചകങ്ങൾ. സി.പി.എം പതിനൊന്നാംകല്ല് ബ്രാഞ്ചിന്റെയും ഡിവൈ.എഫ്.ഐ യൂണിറ്റിന്റെയും പേരിലാണ് ബോർഡ് സ്ഥാപിച്ചിട്ടുള്ളത്.