അമ്പലപ്പുഴ: പുന്നപ്രയിൽ ഇന്നലെ ഉച്ചയോടെയുണ്ടായ ശക്തമായ കാറ്റിൽ വീടിന്റെ മേൽക്കൂര തകർന്നു, ഒരാൾക്ക് പരിക്കേറ്റു.പുന്നപ്ര തെക്ക് പഞ്ചായത്ത് പതിനഞ്ചാം വാർഡ് കിഴക്കേത്തെെെയ്യിൽ ശാരദയുടെ വീടിന്റെ ആസ്ബസ്റ്റോസും ഓടും ചേർന്ന മേൽക്കൂരയാണ് പൂർണമായി തകർന്നത്. വീട്ടിൽ കിടന്നുറങ്ങുകയായിരുന്ന ശാരദയുടെ കൊച്ചുമകൻ അജിത്തിനാണ് (34 ) മേൽക്കൂരയടെ ഭാഗങ്ങൾ വീണ് തലയ്ക്ക് പരിക്കേറ്റത്. അജിത്തിനെ ആലപ്പുഴ മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു. മറ്റുള്ളവർ ബന്ധുവീട്ടിൽ പോയിരുന്നതിനാൽ വൻ അപകടം ഒഴിവായി. ശാരദയും മകൻ രാജനും കുടുംബവുമാണ് വീട്ടിൽ താമസിക്കുന്നത്. രാജന്റെ മകനാണ് പരിക്കേറ്റ അജിത്ത്. മത്സ്യത്തൊഴിലാളി കുടുംബമാണ്.
അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |