കൊച്ചി: ഇന്ത്യയിൽ കുട്ടികൾക്കുള്ള പുസ്തകങ്ങളും പ്രസിദ്ധീകരണങ്ങളും ഭാവനാസമ്പന്നമാണെന്ന് ഫ്രഞ്ച് എഴുത്തുകാരിയും ഗ്രാഫിക് ഡിസൈനറും ഇല്ലസ്ട്രേറ്ററുമായ ഇമ്മാനുവേൽ ഉസേ പറഞ്ഞു. ഫോർട്ടുകൊച്ചി കബ്രാൾ യാർഡിലെ ബിനാലെ ആർട്ട്റൂമിൽ നടന്ന 'മൈ ഇൻക്രെഡിബിൾ ജേർണി'എന്ന കുട്ടികൾക്കായുള്ള ഇല്ലസ്ട്രേഷൻ ശില്പശാലയിൽ സംസാരിക്കുകയായിരുന്നു അവർ.
ശില്പശാലയിൽ പങ്കെടുത്ത കുട്ടികൾക്ക് കഥാപുസ്തകങ്ങളിലെ തന്റെ ഇല്ലസ്ട്രേഷനുകൾ പരിചയപ്പെടുത്തിയ ഉസേ കുട്ടികൾക്കൊപ്പം ചേർന്ന് കലാസൃഷ്ടികളൊരുക്കി. കേരളത്തിലെ കുട്ടികൾ അതിശയിപ്പിക്കുന്ന സർഗപ്രതിഭയുള്ളവരാണെന്ന് അവർ അഭിപ്രായപ്പെട്ടു.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |