പയ്യന്നൂർ: അന്നൂർ കേളപ്പൻ സർവ്വീസ് സെന്ററിന്റെ അഭിമുഖ്യത്തിൽ ഡോ.എ.കെ. വേണുഗോപാലിന്റെ ശിക്ഷണത്തിൽ കോൽക്കളി, ചരടുകുത്തിക്കളിയിൽ പരിശീലനം പൂർത്തിയാക്കിയ അഞ്ചാം ബാച്ചിന്റെ അരങ്ങേറ്റവും

കേളപ്പൻ സർവ്വീസ് സെന്റർ പുരസ്കാര സമർപ്പണവും നാളെ അന്നൂർ ശാന്തിഗ്രാമിൽ നടക്കും. വൈകീട്ട് 6 ന് പ്രസിഡന്റ് പി.കമ്മാരപൊതുവാളുടെ അദ്ധ്യക്ഷതയിൽ നഗരസഭ ചെയർപേഴ്സൺ കെ.വി.ലളിത ഉദ്ഘാടനം ചെയ്യും. ഫോക് ലോർ അക്കാഡമി സെക്രട്ടറി എ.വി. അജയകുമാർ പുരസ്കാരങ്ങൾ സമ്മാനിക്കും. ടി.കെ.കോമപൊതുവാൾ സ്മാരക പുരസ്കാരം ഇ.എ. കൃഷ്ണനും പി.പി. രായണൻ ഗുരുക്കൾ സ്മാരക പുരസ്കാരം ഒ.പി. കുന്ദനും ഏറ്റുവാങ്ങും. കോൽക്കളി , ചരട്കുത്തിക്കളി പരിശീലകൻ ഡോ.എ.കെ.വേണുഗോപാലിനെ ആദരിക്കും. തുടർന്ന് യോദ്ധാ കളരിപ്പയറ്റ് അക്കാഡമി അവതരിപ്പിക്കുന്ന കളരിപ്പയറ്റ് പ്രദർശനം അരങ്ങേറും.