വടകര: കിടപ്പു രോഗികൾക്ക് ഗാനാലാപനത്തിലൂടെ സാന്ത്വനമേകാൻ സംഗീത കൂട്ടായ്മ. വടകര മ്യുസിഷ്യൻസ് വെൽഫെയർ അസോസിയേഷൻ പ്രവർത്തകരാണ് വീടുകളിലെത്തി ഗാനാലാപനം നടത്തുക. സംഗീതിക' ഹാളിൽ നടന്ന ജനറൽ ബോഡി യോഗത്തിൽ പ്രസിഡന്റ് മണലിൽ മോഹനൻ,​ സെക്രട്ടറി രാംലാൽ ഷമ്മി, അബ്ദുൾ സലീം എന്നിവർ പ്രസംഗിച്ചു. പ്രേംകുമാർ വടകര മുഖ്യാതിഥിയായി. അംഗങ്ങൾക്കുള്ള പ്രത്യേക പരിശീലനത്തിന് സുനിൽ, സനിൽ ദിവാകർ എന്നിവർ നേതൃത്വം നൽകി. ഓണത്തോടനുബന്ധിച്ച് ദക്ഷിണാമൂർത്തി - രാഘവൻ മാസ്റ്റർ ഒരുക്കിയ ഗാനങ്ങൾ കോർത്തിണക്കി മ്യുസിഷൻ വെൽഫെയർ അസോസിയേഷൻ അംഗങ്ങളൊരുക്കന്ന സുവർണ്ണഗീതം സംഗീത പരിപാടി വടകര ടൗൺ ഹാളിൽ അരങ്ങേറും. വൈസ് പ്രസിഡന്റ് ശ്രീലത രതീഷ് നന്ദി പറഞ്ഞു.