കെ.എച്ച്.എസ്.ടി.യു പ്രതിഷേധ സംഗമം

നാദാപുരം: മെഡിസെപ്പ് പ്രീമിയം വർദ്ധനവിനെതിരെ സംസ്ഥാന വ്യാപകമായി സംഘടിപ്പിച്ച പ്രതിഷേധത്തിന്റെ ഭാഗമായി കെ.എച്ച്. എസ്.ടി.യു കോഴിക്കോട് ജില്ലാ കമ്മിറ്റിയുടെ ആഭിമുഖ്യത്തിൽ നാദാപുരത്ത് പ്രതിഷേധ സംഗമം സംഘടിപ്പിച്ചു. നിയുക്ത കോഴിക്കോട് ജില്ലാ പഞ്ചായത്ത് വൈസ് പ്രസിഡന്റ് കെ.കെ നവാസ് ഉദ്ഘാടനം ചെയ്തു. കെ.എച്ച്.എസ്.ടി.യു കോഴിക്കോട് ജില്ലാ പ്രസിഡന്റ് കെ.സി. അബ്ദുസമദ് അദ്ധ്യക്ഷത വഹിച്ചു. കെ.ജമാൽ, അൻവർ അടുക്കത്ത്, എൻ. ബഷീർ, ഷമീം അഹമ്മദ്, പി.സി. സിറാജ്, അഷ്റഫ് ചാലിയം, ഹക്കീം ചക്കാലക്കൽ, റസാഖ് ഉമ്മത്തൂർ, മുഹമ്മദ് ഉമ്മത്തൂർ, മൊയ്തു വാണിമേൽ, ജാഫർ വാണിമേൽ, റഈസ് നരിപ്പറ്റ, അസ്ഹർ ടി.എം, സുഹൈൽ എന്നിവർ പ്രസംഗിച്ചു.