തിരൂർ: കേരളത്തിലോടുന്ന മുഴുവൻ ദീർഘദൂര ട്രെയിനുകളിലും കൂടുതൽ ജനറൽ കോച്ചുകൾ അനുവദിക്കണമെന്ന് മലബാർ റെയിൽ യൂസേഴ്സ് ഫോറം ആവശ്യപ്പെട്ടു. പുന:സ്ഥാപിച്ച് ഉത്തരവിറങ്ങിയ പാസഞ്ചർ അൺ റിസർവ്ഡ് ട്രെയിനുകൾ പൂർണമായും ഓടി തുടങ്ങിയിട്ടില്ല. അതിനാൽ നേത്രാവതി, മംഗള, ചെന്നൈ എഗ്മൂർ, ചെന്നൈ മെയിൽ, കേരള എക്സ്പ്രസ്, ജയന്തി ജനത തുടങ്ങിയ ദീർല ദൂര ട്രെയിനുകളിൽ ജനറൽ ബോഗികളിൽ തിരക്ക് ഏറെയാണ്. ഈ ട്രെയിനുകളിൽ വെട്ടിക്കുറച്ച ജനറൽ ബോഗികൾ ഉൾപ്പെടെ കൂടുതൽ കോച്ചുകൾ അടിയന്തരമായി അനുവദിക്കാൻ നടപടി സ്വീകരിക്കണമെന്ന് മലബാർ റെയിൽ യൂസേഴ്സ് ഫോറം ചെയർമാൻ മുനീർ കുറുമ്പടിയും ഫ്രണ്ട്സ് ഓൺ റെയിൽ എക്സിക്യൂട്ടീവ് അംഗം ടി.ജെ ശ്രീജിത്തും ആവശ്യപ്പെട്ടു.
അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |