പാലക്കാട്: വർക്ക്ഷോപ്പ് മേഖലയിലെ പതിനായിരങ്ങൾക്ക് ക്ഷേമനിധി നടപ്പാക്കാനുള്ള സർക്കാർ നീക്കം അഭിനന്ദനാർഹമാണെന്ന് അസോസിയേഷൻ ഒഫ് ഓട്ടോമൊബൈൽ വർക്ക്ഷോപ്പ്സ് കേരള സംസ്ഥാന പ്രസിഡന്റ് നസീർ കള്ളിക്കാട്ട് പറഞ്ഞു. ഓട്ടോമൊബൈൽ വർക്ക്ഷോപ്പ് തൊഴിലാളി ക്ഷേമനിധി, മോട്ടോർ തൊഴിലാളി ക്ഷേമനിധിയിൽ ലയിപ്പിച്ച് സംരക്ഷണമൊരുക്കാനുള്ള സർക്കാർ തീരുമാനത്തെ ആദരിക്കുന്നു.
എ.എ.ഡബ്ല്യു.കെ ഏറെക്കാലമായി മുന്നോട്ടുവെയ്ക്കുന്ന സുപ്രധാന ആവശ്യമാണ് ക്ഷേമനിധി. ഇത് നിയമസഭയിൽ സബ് മിഷനായി ഉന്നയിച്ച് സർക്കാർ ശ്രദ്ധയിലെത്തിച്ച കെ.ബാബു എം.എൽ.എയോടും അനുഭാവപൂർവം പ്രതികരിച്ച മന്ത്രി വി.ശിവൻകുട്ടിയോടും പ്രത്യേകം നന്ദി പറയുന്നു. സംസ്ഥാനത്ത് 75000 പേർ സംഘടനയ്ക്ക് കീഴിൽ പ്രവർത്തിക്കുന്നുണ്ട്. അവരുടെ പ്രധാന ആവശ്യങ്ങളിലൊന്നാണ് നടപ്പാകുന്നതെന്നും അദ്ദേഹം പറഞ്ഞു.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |