പ്രതിഷേധ ധർണ

കല്ലമ്പലം: കേരള ബഡ്ജറ്റിലെ ജനദ്രോഹ നയങ്ങൾക്കെതിരെയും ഭൂനികുതി 50 ശതമാനം വർദ്ധിപ്പിച്ചതിനെതിരെയും കരവാരം മണ്ഡലം കോൺഗ്രസ് കമ്മിറ്റിയുടെ നേതൃത്വത്തിൽ ആലംകോട് വില്ലേജ് ഓഫീസിന് മുന്നിൽ സംഘടിപ്പിച്ച പ്രതിഷേധ ധർണ ഡി.സി.സി എക്സിക്യുട്ടീവ് അംഗം ഗംഗാധര തിലകൻ ഉദ്ഘാടനം ചെയ്തു. മണ്ഡലം പ്രസിഡന്റ് മേവർക്കൽ നാസർ അദ്ധ്യക്ഷനായി. മുൻ മണ്ഡലം പ്രസിഡന്റ് എസ്.ജാബിർ സ്വാഗതവും ഡി.സി.സി മെമ്പർ എം.കെ.ജ്യോതി, മുൻ പഞ്ചായത്ത് പ്രസിഡന്റ് ജെ.സുരേന്ദ്ര കുറുപ്പ്, ബ്ലോക്ക് കോൺഗ്രസ് എക്സിക്യൂട്ടീവ് അംഗം എ.മുബാറക്ക്, പ്രവാസി കോൺഗ്രസ് ബ്ലോക്ക് പ്രസിഡന്റ് താഹിർ വഞ്ചിയൂർ, മുൻ പഞ്ചായത്ത് മെമ്പർ ഇ.എം.എം.ഇല്യാസ് തുടങ്ങിയവർ പങ്കെടുത്തു.