23500 കൃഷിക്കൂട്ടങ്ങൾ നിർമിച്ചു: മന്ത്രി പി. പ്രസാദ്

തൃശൂർ: ആരോഗ്യകരമായ ഭക്ഷണത്തിനാവശ്യമായ 95 ശതമാനം വസ്തുക്കളും കൃഷിയിൽ നിന്നായതുകൊണ്ടും നല്ല ഭക്ഷണം പ്രധാനം ചെയ്യുകയെന്ന ഉദ്ദേശത്തോടുകൂടിയും സംസ്ഥാനത്ത് 23500 കൃഷി കൂട്ടങ്ങൾ സർക്കാർ സഹായത്താൽ നിർമ്മിച്ചെന്ന് മന്ത്രി പി. പ്രസാദ്. കാർഷിക വികസന- കർഷക ക്ഷേമ വകുപ്പ് സംഘടിപ്പിച്ച നാഷണൽ മിഷൻ ഓൺ നാച്ചുറൽ ഫാമിംഗ്, കേരള മോഡൽ ഉത്തരവാദിത്ത പ്രകൃതി കൃഷി ഉപമിഷൻ ഏകദിന ശില്പശാല ഉദ്ഘാടനം ചെയ്ത് സംസാരിക്കുകയായിരുന്നു മന്ത്രി. 191 പഞ്ചായത്തുകളിലെ പ്രതിനിധികളും ഉദ്യോഗസ്ഥരും പങ്കെടുത്തു.

മുൻ ചീഫ് സെക്രട്ടറി എസ്.എം. വിജയാനന്ദ് അദ്ധ്യക്ഷത വഹിച്ചു. നിംബ ഫ്രാങ്കോ, മീന മാത്യൂ, ലിസി മോൾ ജെ വടക്കൂട്ട് എന്നിവർ പങ്കെടുത്തു.