സർട്ടിഫൈഡ് ഇലക്ട്രിക് ട്രക്കുമായി മോൺട്ര ഇലക്ട്രിക്

കൊച്ചി മുരുഗപ്പ ഗ്രൂപ്പിന്റെ മോൺട്ര ഇലക്ട്രിക് പി.എം.ഇ-ഡ്രൈവ് സർട്ടിഫൈഡ് ഇലക്ട്രിക് ട്രക്ക് പുറത്തിറക്കി. മോൺട്ര ഇലക്ട്രിക് ചെയർമാൻ അരുൺ മുരുഗപ്പൻ ആദ്യത്തെ പി.എം.ഇ-ഡ്രൈവ് സർട്ടിഫൈഡ് റിനോ 5538 ഇ.വിയുടെ ഫ്ലാഗ് ഓഫ് നടത്തി. സർക്കാരിന്റെ പി.എം.ഇ-ഡ്രൈവ് സ്‌കീമിന് കീഴിൽ സർട്ടിഫിക്കേഷൻ ലഭിച്ച രാജ്യത്തെ ആദ്യത്തെ ഹെവി-ഡ്യൂട്ടി ഇലക്ട്രിക് ട്രക്ക് നിർമ്മാതാവാണ് മോൺട്ര. സിമന്റ്, റെഡി-മിക്സ് കോൺക്രീറ്റ് കമ്പനിയായ അൾട്രാടെക് സിമന്റ് ലിമിറ്റഡിന് പി.എം.ഇ-ഡ്രൈവ് സർട്ടിഫൈഡ് ഇലക്ട്രിക് ഹെവി ട്രക്ക്, റൈനോ 5538 ഇവി 6x4 ട്രാക്ടർ ട്രെയിലർ എന്നിവ കൈമാറി. മോൺട്ര ഇലക്ട്രിക് ചെയർമാൻ അരുൺ മുരുഗപ്പൻ, മോൺട്ര ഇലക്ട്രിക് എംഡി ജലജ് ഗുപ്ത, അൾട്രാടെക് സിമന്റ് ചീഫ് പ്രൊക്യുർമെന്റ് ഓഫീസർ സാത്യ രാജ് എന്നിവർ ചടങ്ങിൽ സന്നിഹിതരായിരുന്നു.

ഹെവി-ഡ്യൂട്ടി ഇലക്ട്രിക് വാഹന വിഭാഗത്തിൽ ഇന്ത്യൻ നവീകരണത്തിന്റെ വളർന്നുവരുന്ന വൈദഗ്ദ്ധ്യത്തിന്റെ തെളിവാണ് പി.എം ഇ-ഡ്രൈവ് പദ്ധതി.

പ്രധാനമന്ത്രി നരേന്ദ്ര മോദിയുടെ ദീർഘവീക്ഷണമുള്ള നേതൃത്വത്തിൽ ലോജിസ്റ്റിക്സിനെ ഡീകാർബണൈസ് ചെയ്യുന്നതിനും ഇന്ത്യയെ ഇ.വി നിർമ്മാണത്തിനുള്ള ആഗോള കേന്ദ്രമാക്കി മാറ്റുന്നതിനും പ്രതിജ്ഞാബദ്ധരാണ്. ഞങ്ങളുടെ നെറ്റ് സീറോ ലക്ഷ്യങ്ങളിൽ ഇലക്ട്രിക് ട്രക്കുകൾ നിർണായകമാണ്, സ്വാശ്രയ ആവാസവ്യവസ്ഥയെ വളർത്തിയെടുക്കുന്നതിലൂടെ ആത്മനിർഭർ വീകസിത ഭാരതത്തിന്റെ ലക്ഷ്യം സാക്ഷാത്കരിക്കുകയാണ്

എച്ച്. ഡി കുമാരസ്വാമി

കേന്ദ്രമന്ത്രി

വിവിധ വേരിയന്റുകൾ

ഇന്ത്യൻ പ്രവർത്തന സാഹചര്യങ്ങൾക്കായി പ്രത്യേകം രൂപകൽപ്പന ചെയ്തിരിക്കുന്ന റിനോ 5538 ഇ.വി ട്രാക്ടർ ട്രെയിലർ ശ്രേണി 6x4, 4x2 ട്രാക്ടർ ട്രെയിലർ വേരിയന്റുകളിൽ ലഭ്യമാണ്. റിനോ 5538 EV 4x2 ട്രാക്ടർ ട്രെയിലർ ബാറ്ററി സ്വാപ്പിംഗ്, ഫിക്സഡ് ബാറ്ററി ഓപ്ഷനുകൾ, ആറ് മിനിറ്റ് ബാറ്ററി സ്വാപ്പുകൾ, 380 HP, 2000 Nm ടോർക്ക് എന്നിവ നൽകുന്ന 282 kWh LFP ബാറ്ററി, സ്റ്റാൻഡേർഡ് ടെസ്റ്റ് സാഹചര്യങ്ങളിൽ ഏകദേശം 198 കിലോമീറ്റര്‍ റേഞ്ച് എന്നിവ വാഗ്ദാനം ചെയ്യുന്നു.