കൊച്ചി: വിദ്യാർത്ഥികൾക്കും സ്കൂളുകൾക്കും അന്താരാഷ്‌ട്ര നിലവാരമുള്ള നൂതനപഠനരീതി ലഭ്യമാക്കുന്ന വേദിക് ഇ സ്കൂളിന്റെ ഉദ്ഘാടനം കൊച്ചിയിൽ ഓൺലൈനായി ഗവർണർ ആരിഫ് മുഹമ്മദ് ഖാൻ നിർവഹിച്ചു. ആർട്ടിഫിഷ്യൽ ഇന്റലിജൻസിന്റെ സഹായത്തോടെയുള്ള ഈ ലേണിംഗ് പ്ളാറ്റ്‌ഫോം ആദ്യം 100 സ്കൂളുകളിൽ സജ്ജമായി.

ഐ ലേണിംഗ് എൻജിൻസ് പ്രസിഡന്റ് ബാലകൃഷ്ണൻ എ.പി., സങ്കല്പ് വേദിക് ഐ.എ.എസ് അക്കാഡമി പ്രസിഡന്റ് ഡോ.ജി.പ്രസന്നകുമാർ,​ കർണാടക മുൻ ഡി.ജി.പി ശങ്കർ ബിദാരി, വേദിക് ഐ.എ.എസ് അക്കാഡമി അക്കാഡമിക് ഡീൻ ഡോ. അലക്‌സാണ്ടർ ജേക്കബ്,​ സ്‌കൂൾ മാനേജേഴ്‌സ് അസോസിയേഷൻ സംസ്ഥാന പ്രസിഡന്റ് അഡ്വ. ടി.പി.എം ഇബ്രാഹിംഖാൻ,വേദിക് ഐ.എ.എസ് അക്കാഡമി ചാൻസലർ ഡോ. ബാബു സെബാസ്റ്റ്യൻ, ചെയർമാൻ ഡെന്നി തോമസ് വട്ടക്കുന്നേൽ, സി.ഇ.ഒ ജെയിംസ് മറ്റം എന്നിവർ ചടങ്ങിൽ സംസാരിച്ചു.